أمثال حموية

من طرف ليندة الأربعاء مايو 05, 2010 1:45 am

أمثال حموية :

-قالوا للديك صيح . قال لهم كل شيء بوقته منيح

-صار للدبانة دكانة وصارت تسكر على بكير

-قالوا للحماية ما كنتي كنة , قالت لهم , كنت ونسيت

-دان من طين , ودان من عجين

-قالوا لها أومي اطبخي ,قالت مريضة ,قالوا لها قومي كلي ,قالت وين معلقتي العريضة

-بكرة بدوب التلج ,وببان المرج

-صار ينط ما يحط

-قلبي على ولدي , وقلب ولدي على حجر

-قالوا للبغل مين أبوك , قال لهم خالي الحصان

-ما قدر على حماته , عض مرته

-الدم ما بيصير مي

-متل حية التبن , بتقرص وبتتخبى

-متل حمام مقطوعة ميتها

-صاحب صنعة , أحسن من صاحب قلعة

-مرت الأب ما بتنحب

-صفي النيه ونام بالبرية

-الديك الفصيح من البيضة بيصيح

-مكرسح قال لمكرسح , مشي لنتفسح

-المي والنار, ولا حماتي بالدار

-من برا هالله هالله , ومن جوا يعلم الله

-صام صام وأفطر على بصلة

-الولد اللي ما بيبكي , ما بترضعه أمه

من طرف أمير الاقتصاد الإثنين مايو 24, 2010 2:25 am

ههههههههههه...فعلا بعض هالأمثال بسمعها احيانا من أمي...شكرا أخت ليندة..

من طرف بلحسين الجمعة أبريل 08, 2011 12:48 pm

مشكورة على هالامثال ....
في مثل بقيول إجتمع المتعوس على خايب الرجاء

أمثال حموية

أمثال حموية

رد: أمثال حموية

رد: أمثال حموية